لندن: وزیراعلیٰ پنجاب مریم نواز نے کہا ہے کہ پنجاب کی طرح ملک کے دیگر صوبوں میں بھی عوامی فلاح اور ترقی کے لیے کام ہونا چاہیے، عوام کی خدمت کے لیے محنت کرنا ہوگی، جب محنت کی جائے گی تو اس کے نتائج بھی واضح طور پر نظر آئیں گے۔ انہوں نے مسلم لیگ (ن) میں کسی بھی قسم کی تقسیم کی خبروں کو مسترد کرتے ہوئے کہا کہ ہماری جماعت متحد ہے اور سب مل کر کام کررہے ہیں۔
لندن میں میڈیا سے گفتگو کرتے ہوئے وزیراعلیٰ پنجاب مریم نواز نے کہا کہ بیٹی کی گریجویشن ان کے اور خاندان کے لیے انتہائی خوشی کا موقع ہے۔ بیٹی کی تعلیمی کامیابی پر خوشی کا اظہار کرتے ہوئے انہوں نے کہا کہ یہ پورے خاندان کے لیے خوشی کا لمحہ ہے اور وہ آج واپس پاکستان روانہ ہورہی ہیں۔
مریم نواز نے کہا کہ پنجاب میں ترقی اور عوامی فلاح کے لیے دن رات کام کیا جارہا ہے۔ صوبے میں مختلف شعبوں میں عوام کو سہولیات فراہم کرنے اور ترقیاتی کاموں کو آگے بڑھانے کے لیے حکومت اپنی کوششیں جاری رکھے ہوئے ہے۔
وزیراعلیٰ پنجاب کا کہنا تھا کہ جس طرح پنجاب میں ترقی اور عوامی خدمت کے منصوبوں پر کام ہورہا ہے، اسی طرح ملک کے دوسرے صوبوں میں بھی عوامی مسائل کے حل اور ترقی کے لیے بھرپور اقدامات ہونے چاہئیں، عوام کی خدمت محض دعووں سے نہیں بلکہ مسلسل محنت اور عملی اقدامات سے ممکن ہے۔
انہوں نے کہا کہ اگر حکومتیں محنت اور اخلاص کے ساتھ کام کریں گی تو اس کے نتائج عوام کو نظر بھی آئیں گے اور عوام خود بھی ان تبدیلیوں کو محسوس کریں گے۔ پنجاب میں حکومت کی جانب سے عوامی فلاح کے لیے جاری اقدامات کا ذکر کرتے ہوئے مریم نواز نے کہا کہ صوبے میں ترقی کے عمل کو تیز کرنے کے لیے دن رات محنت کی جارہی ہے۔
مسلم لیگ (ن) کے اندرونی معاملات سے متعلق سوال پر وزیراعلیٰ پنجاب نے پارٹی میں کسی بھی قسم کی تقسیم یا اختلافات کی اطلاعات کو مسترد کردیا،مسلم لیگ (ن) متحد جماعت ہے اور پارٹی کے رہنما اور کارکن مل کر کام کررہے ہیں۔
مریم نواز کا کہنا تھا کہ پارٹی کو توڑنے یا اسے تقسیم کرنے سے متعلق گردش کرنے والی باتوں میں کوئی حقیقت نہیں، مسلم لیگ (ن) کے اندر کسی قسم کی تقسیم نہیں ہے اور جماعت متحد ہوکر اپنے سیاسی اور عوامی معاملات کو آگے بڑھا رہی ہے۔
وزیراعلیٰ پنجاب نے اس موقع پر عوامی خدمت کو اپنی حکومت کی ترجیح قرار دیتے ہوئے کہا کہ ترقیاتی عمل کو جاری رکھنے اور عوام کو بہتر سہولیات کی فراہمی کے لیے مسلسل محنت کی ضرورت ہے، حکومتوں کی کارکردگی کا اصل پیمانہ عوام کی زندگیوں میں آنے والی بہتری ہے۔
مریم نواز کی جانب سے مسلم لیگ (ن) میں اتحاد کا بیان ایک ایسے وقت میں سامنے آیا ہے جب سیاسی حلقوں میں مختلف جماعتوں اور خصوصاً مسلم لیگ (ن) کے اندرونی معاملات سے متعلق قیاس آرائیاں سامنے آتی رہتی ہیں۔ وزیراعلیٰ پنجاب نے ان قیاس آرائیوں کو مسترد کرتے ہوئے پارٹی کے متحد ہونے پر واضح مؤقف اختیار کیا ہے۔
انہوں نے کہا کہ پنجاب میں عوامی فلاح اور ترقی کے لیے کام جاری رہے گا اور دیگر صوبوں میں بھی اسی جذبے کے ساتھ عوامی مسائل کے حل کے لیے عملی اقدامات کیے جانے چاہئیں،عوام کی خدمت کے لیے محنت کی جائے تو اس کے نتائج لازماً سامنے آتے ہیں۔
