کراچی (خصوصی رپورٹ)ضلع غربی کے علاقوں اورنگی ٹاؤن اور اتحاد ٹاؤن ،خیرآباد سے چلنے والی عوامی ٹرانسپورٹ کے مالکان نے جماعت اسلامی کے امیر حافظ نعیم الرحمن کی اپیل پر لبیک کہتے ہوئے 3 ستمبر کی ملک گیر ہڑتال کی بھرپور حمایت کر دی ہے اور آج سے ہی تمام روٹس پر ٹرانسپورٹ مکمل طور پر بند رکھنے کا رسمی اعلان کر دیا ہے۔ یہ اہم فیصلہ مقامی ٹرانسپورٹرز بشمول ماشاء اللہ کوچ، W-55، سیون اسٹار اور چنگچی رکشہ یونینز کے نمائندوں نے جماعت اسلامی کے مقامی رہنماؤں خورشید عالم، محمد مشتاق اور محمد زبیر سے ہونے والی ایک ہنگامی ملاقات کے دوران کیا۔ ٹرانسپورٹ مالکان کا کہنا تھا کہ پٹرولیم پروڈکٹس پر بھاری پٹرولیم لیوی اور اضافی ٹیکسوں نے گاڑیوں کے اخراجات اور ایندھن کی قیمتیں ناقابلِ برداشت کر دی ہیں، جس کے باعث اب کاروبار چلانا ممکن نہیں رہا، لہٰذا وہ عوامی احتجاج کا حصہ بن کر گاڑیوں کے پہیے جام رکھ رہے ہیں۔جماعت اسلامی ضلع غربی کے امیر مدثر حسین انصاری نے اپنے خصوصی بیان میں ٹرانسپورٹرز کے اس اقدام کو سراہتے ہوئے کہا کہ حکمرانوں کی ظالمانہ معاشی پالیسیوں اور پٹرولیم لیوی میں مسلسل اضافے نے نہ صرف ٹرانسپورٹ انڈسٹری کو تباہی کے دہانے پر لا کھڑا کیا ہے بلکہ عام آدمی کی زندگی بھی اجیرن کر دی ہے۔ انہوں نے کہا کہ پٹرول، ڈیزل اور بجلی کی قیمتوں پر نافذ کیے گئے جابرانہ ٹیکسز کے خلاف یہ ہڑتال کسی ایک جماعت کا نہیں بلکہ تمام مظلوم شہریوں اور تاجروں کا مشترکہ احتجاج ہے۔ مدثر حسین انصاری نے ضلع غربی کے تمام تجارتی مراکزی، دکانداروں، اور بالخصوص عوام سے اپیل کی کہ وہ 3 ستمبر کی پرامن ہڑتال کو تاریخی طور پر کامیاب بنائیں تاکہ حکومت پر عوام کو فوری relief دینے کے لیے دباؤ بڑھایا جا سکے۔ادھر نجی اسکولوں نے بھی ا?ج تین ستمبر کو اسکول بند رکھنے کا اعلان کردیا ہے، جماعت اسلامی ضلع غربی کے ترجمان کے مطابق جماعت اسلامی کے ضلعی ومقامی رہنماؤں نے اسکول مالکان سے ملاقات کی اور پیترولیم لیوی کے اثرات پر تبادلہ خیال کیا اور امیرجماعت اسلامی حافظ نعیم الرحمن کا پیغام پہنچایا۔ اسکول مالکان نے اس موقع پر ہڑتال کی بھرپورحمایت کرتے ہوئے 3 ستمبر کو اسکول بند رکھنے کااعلان کیا۔