اس کے ہی تحفظ میں تمدن کی بقا ہے

اس کے ہی تحفظ میں تمدن کی بقا ہے
اک سایۂ دیوار میں تیرا جو بھرم ہے
یہ خلعتِ زیبا جو عبایاکی ہے صورت
بے شک ہے یہ شوکتِ نسواں کی علامت
محفوظ ہے معروف سے ملبوس میں لیکن
کافی نہیں تجھ کو لبادے کی ہی طاقت
ہاں اس سے زیادہ ہے گھروندے کی ضرورت
چادر کی طرح انمول ہے اس کی بھی قیمت
اک سایۂ دیوار میں تیرا جو بھرم ہے
قرآں کی ہدایت ہے یہی رب کا کرم ہے
محفوظ سی چوکھٹ میں اور زندان میں لیکن
جو فرق مٹایا تو ابھری ہے بغاوت
ایثار و وفا صبر و رضا سے تجھے نسبت
بس جھیلتے جانا ٹھہری تری فطرت
تیرے ان اوصاف کو ٹھکرایا گیا تو
(منوانے کو نکلی ہے تو اپنی صداقت)
محفوظ احاطے میں مل جائے جو عزت
در در پھری جائے کب تیری ہے فطرت
چادر سے احاطے تک ضمانت یہ بڑی ہے
ہاں حرمتِ نسواں میں یہی بات چھپی ہے
شفقت سے کفالت ہوکہ ہو سچی رفاقت
اور خدمتِ مادر میں آدم کی ہے جنت
ہر دکھ گیں گوارا رہیں گھر جو سلامت
عورت کی حفاظت کے یہی روپ ہیں سارے
ٹھہرے ہیں اسی چھاؤں میں کئی دھوپ کے مارے
اس کے ہی تحفظ میں تمدن کی بقا ہے
رشتہ وہ حجابوں کا تمدن سے جڑا ہے