انسٹنٹ میسجنگ ایپلی کیشن واٹس ایپ نے موصول ہونے والی تصاویر سے بآسانی تحریر کشید کرنے کے لیے نیا فیچر متعارف کرادیا۔
WABetainfo کے مطابق جن صارفین کو یہ فیچر دستیاب ہے وہ تحریر لکھی تصویر کو کھول کر ظاہر ہونے والے ایک بٹن کی مدد سے ٹیکسٹ کو کاپی کرسکیں گے۔
واٹس ایپ کی جانب سے متعارف کرایا جانے والا یہ نیا فیچر فی الحال آئی فون صارفین کے لیے جاری کیا گیا ہے۔ آئی او ایس 16 یا اس سے اگلے ورژن کا آپریٹنگ سسٹم استعمال کرنے والے صارفین اس نئے فیچر کو استعمال کرسکیں گے۔ تاہم اُن تصاویر سے تحریر اخذ نہیں کی جاسکے گی جو صرف ایک بار دیکھے جانے والے آپشن کے تحت بھیجی جائیں گی۔
