مفتی محمد ہاشم سندھی بن عبدالمجید (پ: 1983ء) نوجوان عالمِ دین، محقق، اور کئی کتابوں کے مصنف ہیں، جس میں موسوعہ امام مہدی(4 جلدیں)، معرفتِ امام مہدی، بشاراتِ امام مہدی، ذکرِ امام مہدی، السیرۃ النبویۃ امام ابن کثیر(ترجمہ)، محک الفقر سلطان باہوؒ اور دیگر کتابیں شامل ہیں۔
پیشِ نظر کتاب درجِ ذیل ابواب پر مشتمل ہے:
1۔ سیرتِ رسولِ کریمﷺ کے امتیازی پہلو، 2۔ تذکرہ والدینِ مصطفیٰ ﷺ، 3۔ تذکرہ سیدالبطحاء ابوطالب بن عبدالمطلب، 4۔ تذکرہ ازواجِ مطہراتؓ، 5۔ فضائل ِ امیرالمومنین علیؓ بن ابی طالب، 6۔ مجموعہ مرویاتِ امیرالمومنین علیؓ بن ابی طالب، 7۔ فضائلِ مخدومہ کونین فاطمۃ الزہراؓ، 8۔ فضائلِ امامین شہیدین حسنین کریمینؓ،9۔ مسئلہ کفرِ یزید پر دلائل اہل سنت، 10۔ تعارف ائمہ اہلِ بیتِ اطہارؓ، 11۔ امام زید شہیدؓ،12۔ احترامِ ساداتِ کرامؓ، 13۔ ہندو سندھ میں مشائخِ ساداتِ کرام کی آمد، 14۔ اکابرینِ اہلِ سنت کا اہلِ بیتؓ سے اظہارِ عقیدت۔
اپنے مقدمے میں فاضل محقق نے اہلِ بیتِ اطہارؓ کی محبت کے وجوب پر گفتگو کی ہے۔ اور یہی اس کتاب کا مرکزی موضوع ہے۔
