یونیورسٹی آف کیلیفورنیا کے محققین نے مشرقی نیواڈا میں مونو جھیل کے پانیوں میں ایک نئی مخلوق کو دریافت کیا ہے۔
اس مخلوق کے بارے میں سائنس دانوں نے جو اہم پہلو دریافت کیا ہے وہ یہ ہے کہ یہ ماہرین کو اُن جان داروں کی اصل کی بھی نشاندہی کرنے میں مدد کرسکتی ہے جو 650 ملین سال پہلے موجود تھے۔
یہ مخلوق ایک جان دار ہے جسے choanoflagellate کہتے ہیں۔ ایک ایسی مخلوق جو واحد خلوی یعنی صرف ایک خلیے والی مخلوق ہے لیکن جو متعدد خلیوں میں تقسیم ہوسکتی ہے، بالکل اسی طرح جیسے جانوروں کے جنین وجود میں آتے ہیں۔
تاہم یہ مخلوق کسی جانور کی قسم نہیں ہے بلکہ تمام جانوروں کے ایک دوسرے گروپ سے تعلق رکھتی ہے۔ ماہرین کا ماننا ہے کہ choanoflagellate ایک خلوی زندگی سے کثیر خلوی زندگی کے ارتقاء کو سمجھنے میں اہم کردار ادا کرسکتا ہے۔
