انسٹاگرام، فیس بک اور واٹس ایپ کی مرکزی کمپنی میٹا نے اب فیس بک کی طرح کی سہولت واٹس ایپ میں بھی شامل کرنے کی کوشش کی ہے۔ ان میں ایک آپشن یہ ہے کہ کسی تصویر یا ویڈیو میں کیپشن کا اضافہ کیا جاسکتا ہے۔ دوسری جانب جو پیغام آگے بڑھایا جارہا ہے اس کا پس منظر بھی شامل کیا جا سکتا ہے۔
واٹس ایپ کے نئے بی ٹا ورژن v2.22.23.15 کے تحت اب صارفین ویڈیوز، فائل اور تصاویر وغیرہ کو آگے بڑھانے سے قبل ان میں کیپشن شامل کرسکیں گے۔ اس سے پیغام وصول کرنے والا اسے اچھی طرح سمجھ پائے گا۔ اس طرح آپ ایک سے زائد دوستوں کو بار بار کوئی بات بیان کرنے کی زحمت سے بچ سکیں گے اور ایک ہی بار اضافہ کرکے کوئی معلومات یا فائل آگے بڑھائی جاسکے گی۔ دلچسپ بات یہ ہے کہ اس ضمن میں واٹس ایپ ازخود بھی پس منظر کا اضافہ کرسکے گی۔ تاہم جلد ہی یہ سہولت دنیا کے تمام صارفین کو دستیاب ہوگی۔
