واٹس ایپ نے گزشتہ دنوں ہی متعارف کروائے گئے وائس ویو فارم فیچر کو اینڈرائیڈ فون کے صوتی پیغامات میں غیر فعال کردیا ہے۔ گزشتہ دنوں واٹس ایپ نے اپنے تازہ ترین بیٹا ورژن میں صوتی پیغامات کے لیے ایک بہت ہی دلچسپ فیچر ’وائس ویو فارم‘ متعارف کروایا تھا، لیکن اس نے چند دن بعد ہی اسے ہٹانا شروع کردیا ہے۔ لیکن آخر ایسا کیا ہوا کہ واٹس ایپ اب اپنے اینڈرائیڈ صارفین کے لیے اس فیچر کو غیر فعال کررہا ہے؟ اور واٹس ایپ نے اس انٹر فیس کو عارضی طور پر ریموو کرنا شروع کردیا ہے۔ ٹیکنالوجی ویب سائٹ وے بیٹا انفو کے مطابق بہت سارے صارفین نے اس فیچر کے بارے میں شکایت کی تھی، اگرچہ اس کا انٹر فیس بہت بہترین تھا، تاہم صارفین کا کہنا ہے کہ سیک بار کے ذریعے وائس میسجز کو آگے بڑھانا ممکن نہیں تھا، جب کہ ڈارک موڈ میں وائس ویو فارم کا رنگ بہت زیادہ نمایاں بھی نہیں تھا۔
