نیب راولپنڈی نے سابق وزیراعظم و مسلم لیگ ن کے مرکزی رہنما شاہد خاقان عباسی کو 26 سوالات کا سوالنامہ دے دیا۔
قومی احتساب بیورو نے شاہد خاقان عباسی سے سوالات کے جواب مانگ لیے۔ شاہد خاقان کو دو ہفتوں میں جواب جمع کروانے کی ہدایت کی گئی ہے۔
سوال نامہ میں پی پی ایل ایم ڈی تعیناتی میں اپنے کردار سے آگاہ کرنے کی ہدایت کرتے ہوئے پوچھا گیا ہے کہ ارشد مرزا کا اس تعیناتی میں کیا کردار رہا؟
نیب نےسوال کیا ہے کہ ایم ڈی پی پی ایل کی تعیناتی میں کنسلٹنٹ کی خدمات کیوں لی گئیں ؟وامق بخاری پاکستان پیٹرولیم لمیٹڈ عہدے کے اہل نہیں تھے؟
نیب نے پوچھا کہ کیا ایم ڈی پی پی ایل کی تعیناتی میں خصوصی چھوٹ دی گئی ؟ ۔ نیب کا کہنا ہے کہ تحریری جواب ملنے کے بعد شاہد خاقان کی دوبارہ طلبی کا فیصلہ کیا جائے گا۔
