لاہور (آن لائن) وزیراعظم عمران خان کے سیاحت کو فروغ دینے کے حوالے سے ویژن کو مدنظر رکھتے ہوئے پی آئی اے کا بڑا فیصلہ سامنے آ گیا۔ قومی ائرلائن پی آئی اے نے کراچی سے اسکردو کیلیے براہ راست پروازیں شروع کرنے کا اعلان کر دیا۔ پہلی پرواز 16مئی کوکراچی سے اسکردوکیلیے پی کے455 روانہ ہوگی۔ پی آئی اے کراچی سے اسکردو کیلیے ہفتہ وار 2 پروازیں آپریٹ کرے گی۔پی آئی اے کے مطابق کوروناکے باعث چترال کیلیے معطل کی گئیں پروازیں بحال کر دیں جبکہ لاہور تا اسلام آباد پروازیں بھی شروع کر دی گئی ہیں۔قومی ائرلائن پی آئی اے نے جنوبی پنجاب رحیم یارخان کیلیے پروازوں کا آپریشن دوبارہ شروع کر دی ہیں۔پی آئی اے کی کراچی سے رحیم یارخان اور کراچی ہفتہ وار 2 پروازیں آپریٹ کی جائیں گی۔ رحیم یارخان کیلیے یکطرفہ کرایہ8800روپے مقرر کیا گیا ہے۔
