کراچی (اسٹاف رپورٹر) پاکستان ہاکی فیڈریش کے زیر اہتمام جونیئر ایشیا کپ کی تیاری کے سلسلہ میں جونیئر ہاکی ٹیم کا تربیتی کیمپ آج سے عبدالستار ایدھی ہاکی اسٹیڈیم کراچی میں شروع ہوگا ۔ جونیئر ایشیا کپ یکم جولائی سے 10 جولائی بنگلا دیش کے دارالحکومت ڈھاکا میں کھیلاجائے گا۔ کیمپ کے ہیڈ کوچ اولمپیئن دانش کلیم ہونگے۔ 7اپریل دوپہر تک تمام کھلاڑیوں کو کیمپ کمانڈنٹ اولمپیئن دانش کلیم کو رپورٹ کرنے کی ہدایات دی ہیں جبکہ ظہیر احمد بابر اور مدثر علی خان کوچنگ، ابوزر امرا ویڈیو انالائسٹ اور ندیم ستار فزیو تھراپسٹ کے فرائض سر انجام دیں گے۔ کیمپ میں 35 کھلاڑی کو مدعو کیا گیا ہے۔
