روس نے ایک بارپھر مسئلہ کشمیر پر ثالثی کی پیشکش کردی

ماسکو (آن لائن) روس نے مسئلہ کشمیر کے حل کے لیے ایک بار پھر ثالثی کی پیشکش کردی ہے ۔ غیر ملکی خبر رساں ادارے کے مطابق روسی وزارت خارجہ کی ترجمان ماریہ زخارووا نے پریس بریفنگ کے دوران کہا کہ اگرتمام فریق متفق ہوں تو روس مسئلہ کشمیرپرثالثی کے لیے
تیارہے۔روسی وزارت خارجہ کی ترجمان نے کہا کہ روس ہمیشہ سے ہی جنوبی ایشیا میں استحکام اور سلامتی کا چاہتا ہے اگرفریقین متفق ہوں تو روس مسئلہ کشمیر پر ثالثی کے لیے بھی تیار ہے۔ماریہ زخارووا نے مزیدکہا کہ مذاکرات سے خطے کی ریاستوں کے مابین اعتماد کو مستحکم کرنے اور باہمی فائدہ مند تجارتی اور معاشی روابط کی ترقی میں براہ راست مدد ملے گی۔روسی وزارت خارجہ کی ترجمان کا کہنا تھا کہ ہم اس حقیقت سے آگے بڑھتے ہیں کہ یہاں موجود مسائل کے پیچیدہ معاملات بشمول کچھ علاقوں کی ملکیت کے قیام سے متعلق ہیں ، باہمی بنیاد پر سیاسی اور سفارتی ذرائع سے حل ہونا چاہیے ،کشمیر پرجہاں تک روس کی ثالثی کا تعلق ہے تو یہ ممکن ہے مگر کسی بھی تنازع میں ثالثی تمام فریقین کی رضامندی سے ہی ممکن ہے۔