بہاولنگر (این این آئی )تخت محل کے قریب تیز رفتار ٹرک نے موٹر سائیکل سوار کو کچل ڈالا،حادثے میں خاتون بھی جاںبحق، 3 افراد زخمی ہوگئے۔ ریسکیو ٹیم نے زخمیوں کو مقامی اسپتال منتقل کردیا ۔حادثہ تیز رفتاری کے باعث پیش آیا، حادثے میں جاں بحق خاتون صغری بی بی زوجہ اللہ بخش عمر 55 سال سے شناخت ہوئی ہے جو موقع پر ہی جاں بحق ہو گئی جبکہ زخمیوں میں محمد نوید ولد اللہ بخش،حلیمہ بی بی زوجہ محمد امین،اللہ دتہ ولد علی شیر شامل ہیں جنہیں طبی امداد کے لیے ریسکیو ٹیم نے ڈی ایچ کیو استپال پہنچا دیا ہے۔
