نالائقوں سے خیراتی ویکسین بھی نہیں سنبھالی جارہی، عظمیٰ بخاری

لاہور (آن لائن) مسلم لیگ (ن) پنجاب کی ترجمان عظمیٰ بخاری نے کہاہے کہ پنجاب تاریخ ساز نا اہلی اور بدحالی کے دور سے گزر رہا ہے، ان نالائقوں سے خیرات میں ملی ویکسین بھی سنبھالی نہیں جارہی۔وٹس ایپ وزیراعلیٰ فوٹو شوٹ کرانے میں منگترل خان سے بھی آگے نکل گیا ہے۔فردوس عاشق کے بیان پر ردعمل دیتے ہوئے عظمیٰ بخاری نے کہا کہ 350 کورونا ویکسین مزنگ اسپتال میں فریز ہونے سے خراب ہوگئی ہے۔سروسزاسپتال میں 550 ویکسین اعلیٰ
شخصیات اور ان کے رشتے داروں کو لگانے سے غائب ہوئی ہیں۔ ویکسین کے لیے عام آدمی دھکے کھانے پر مجبور ہے، اسپتالوں میں دوائی نہیں مل رہی عام آدمی کو ہیلتھ کارڈ کا اچار ڈالنا ہے؟ انہوں نے کہا کہ شہبازشریف دور کے خریدے ہزاروں لیپ ٹاپ بے کار پڑے ہیں۔اڑھائی سالوں سے عثمان بزدار اور یاسمین راشد نونئے اسپتالوں کی جعلی خبریں چلارہے ہیں۔