اسلام آباد: وفاقی دارالحکومت اسلام آباد میں کوروناوائرس کے بڑھتے ہوئے پھیلاؤ کو روکنے کے لئے انتظامیہ متحرک ہو گئی ہے۔
تفصیلات کے مطابق اسلام آباد کی مارکیٹس اور تجارتی مراکز ہفتے کے مختلف ایام میں بند کرنے کا فیصلہ کیا گیا ہے، جمعہ اور ہفتہ کے روز جی 9 ،10 ،13 ،15 ، ستارہ مارکیٹ فرنیچر مارکیٹ، گولڑہ روڑ، ڈی ایچ اے جی ٹی روڈ، بہارہ کہو، پی ڈبلیو ڈی، پاکستان ٹائون، جی8، آئی اینڈ ٹی سینٹر، جی7، آئی9، غوری ٹائون، کھناپل، لہترار روڈ، جی11، آبپارہ مارکیٹ، ترامڑی مارکیٹ اور آئی10 بند رہے گی۔
اعلامیے کے مطابق جمعرات اور جمعہ کے روز صفا مال، سینٹورس مال، گیگا مال اور امیزون مال بندرہیں گےجبکہ ہفتہ اور اتوار کو بلیو ایریا، ایف10، میلوڈی مارکیٹ، آئی8، ایف 8، ایف 11، ایف6 ، ایف7 اور ای11 کی تمام مارکیٹیں بند رہیں گی۔
خیال رہے اسلام آباد کے وہ تمام علاقے جن کا متذکرہ بالا علاقوں میں نام شامل نہیں ہے وہاں کی مارکیٹیں ہفتہ اور اتوار کے روز بند رہیں گی جبکہ اسلام آباد کی ضلعی انتظامیہ کی جانب سے یہ نوٹیفیکیشن این سی او سی ہدایات کی روشنی میں جاری کیا گیا ہے۔
واضح رہے اسلام آباد کی ضلعی انتظامیہ کی جانب سے جاری حکمنامہ 11اپریل تک نافذ العمل رہے گا جبکہ اسسٹنٹ کمشنرز، سب ڈویژنل مجسٹریٹ اور مقامی پولیس حکمنامہ پر عملدآمد کروائیں گے۔
