میکسیکو سٹی (جسارت نیوز)انٹرنیشنل فٹ بال فرینڈلی میچوں میں میکسیکو نے کوسٹا ریکا، ایران نے شام اور اردن نے بحرین کو شکست دے دی۔ آئرلینڈ اور قطر کے درمیان کھیلا گیا میچ برابر رہا۔ وینر نیواسٹاڈٹ اسٹیڈیم میں کھیلے گئے میچ میں میکسیکو نے کوسٹا ریکا کو سخت مقابلے کے بعد 0-1 سے ہرایا۔ پہلے ہاف میں دونوں ٹیمیں کوئی گول اسکور نہ کر سکیں تاہم دوسرے ہاف کے 44 ویں منٹ میں ہیرونگ لوزانو نے شاندار گول کر کے میکسیکو کو فتح دلا دی۔
