وزارت خارجہ نے وینا ملک کے سابق شوہر اسد خٹک کی بچوں کی دبئی سے پاکستان منتقلی کے خلاف درخواست کو حقائق کے برخلاف قرار دے دیا۔
تفصیلات کے مطابق اداکارہ ویناملک کےسابق شوہراسدخٹک کی بچوں کی پاکستان منتقلی کےخلاف درخواست کی ہوئی تو ڈی جی وزارت خارجہ نے تحریری جواب اسلام آباد ہائیکورٹ میں جمع کرادیا۔
وزارت خارجہ نے جواب میں کہا کہ اسد خٹک نے حقائق چھاتے ہوئے متنازع مواد کے ساتھ درخواست دائر کی، ویناملک نےنادراکی نائیکوپ کی کاپی دبئی میں پاکستانی ہائی کمیشن کوفراہم کی۔
جواب میں کہا گیا ہے کہ راولپنڈی کی عدالت سےجاری بچوں کی گارڈین شپ کاسرٹیفکیٹ بھی فراہم کیا، پاکستانی قوانین کے مطابق بچوں کو پاسپورٹ جاری کیا گیا، پاکستانی ہائی کمیشن نےپاسپورٹ جمع کرانےپرایمرجنسی سفری دستاویزات جاری کیں۔
عدالت نے وزارت خارجہ کے جواب کی کاپی اسد خٹک کو فراہم کرنے کا حکم دیتے ہوئے سماعت ملتوی کردی۔
