پشاور (نمائندہ جسارت) پشاور کے علاقے یکہ توت ٹیڈی پمپ کے سامنے سلنڈر کی دکان میں دھماکے کے نتیجے میں6افراد جھلس گئے۔ ریسکیو1122 کے مطابق افسوس ناک واقعے کے فوری بعد امدادی ٹیمیں، ایمبولینسیں اور آگ بجھانے والی گاڑیوں نے کارروائی کرتے ہوئے زخمیوں کو فوری طور پر قریبی اسپتال منتقل کیا ۔ مقامی انتظامیہ کے مطابق آپریشن کے دوران ریسکیو1122کی 5 ایمبولینسوں اور 2 فائر بریگیڈز گاڑیوں نے حصہ لیا۔
