لاڑکانہ(نمائندہ جسارت) ایس ایس پی لاڑکانہ مسعود احمد بنگش کی ہدایات پر لاڑکانہ پولیس نے جرائم پیشہ اور سماجی برائیوں کے خلاف کارروائیاں کرتے ہوئے اشتہاری، روپوش و مطلوب 17 ملزمان کو گرفتار کرکے منشیات برآمد کرلی ہے۔تفصیلات کے مطابق مارکیٹ پولیس نے دوران گشت اسٹیٹ لائف بلڈنگ کے قریب منشیات فروش عمران موندہر کو تین کلو چرس سمیت، حیدری پولیس نے اشتہاری ملزم علی حیدر بھٹی کو، ائرپورٹ پولیس نے دوران گشت اشتہاری ملزم منٹھار کوری کو، ماہوٹا پولیس نے دوران چیکنگ مطلوب ملزم صدام کو اور سول لائن پولیس نے پرانا بس اسٹینڈ سے ملزم ارشاد بھٹو کو بھنگ سمیت جبکہ رحمت پور پولیس نے جوا کے اڈے پر چھاپا مارکر کر 12 جواریوں فرحان، عاشق، الطاف، شکیل، دہنی بخش، حمید، اکبر، وسیم، ممتاز، نظام اور حمید کو گرفتار کرلیا۔ پولیس کے مطابق گرفتار ملزمان کے خلاف ایسے مقدمات درج کرکے تفتیش شروع کردی گئی ہے۔
