ددحا(جسارت نیوز)سوئٹزرلینڈکے بین الاقوامی شہرہ آفاق ٹینس اسٹار ، سابق عالمی نمبر ایک اور 20 گرینڈ سلام ٹائٹلز کے فاتح راجر فیڈرر نے اے ٹی پی قطر اوپن ٹینس ٹورنامنٹ کے مینز سنگلز مقابلوں میں فاتحانہ واپسی کی ہے اور وہ کوارٹر فائنل میں پہنچ گئے ہیں۔ سوئس اسٹار راجر فیڈرر نے مینز سنگلز پری کوارٹر فائنل میچ میں انگلینڈ کے ڈینئل ایوانز کو شکست دے کر کوارٹر فائنل کیلیے کوالیفائی کیا۔ قطر کے دارالحکومت دوحا میں کھیلے گئے مینز سنگلز پری کوارٹر فائنل رائونڈ میچ میں راجرفیڈرر شاندار کھیل کا مظاہرہ کیا۔
