لاڑکانہ (نمائندہ جسارت) ڈوکری کے قریب روڈ حادثے میں زخمی لڑکی کراچی سول اسپتال میں دم توڑ گئی، حادثے میں جاں بحق افراد کی تعداد 6 ہوگئی۔ ڈوکری کے قریب باقرانی روڈ پر 12 روز قبل موٹر سائیکل اور کار میں ٹکر کے نتیجے میں 5 افراد جاں بحق اور 3 افراد زخمی ہوئے تھے جن میں 18 سالہ لڑکی عائشہ مگنیجو کی حالت تشویش ناک ہونے کے باعث انہیں ڈاکٹروں کے مشورے پر کراچی سول اسپتال منتقل کیا گیا، تاہم گزشتہ روز کراچی کے اسپتال میں زخموں کے تاب نہ لاتے ہوئے زخمی لڑکی عائشہ مگنیجو دم توڑگئیں جس کے بعد حادثے میں جاں بحق افراد کی تعداد 6 ہوگئی۔
