سوات ( آن لائن ) سوات، مینگورہ اور گرد و نواح میں3.9شدت کے زلزلے کے جھٹکے محسوس کیے گئے جس سے لو گوں میں خوف و ہراس پھیل گیا ، لوگ کلمہ طیبہ کا ورد کر تے ہو ئے گھروں اور دفتروں سے باہر آگئے ۔ تفصیلات کے مطابق سوات، مینگورہ اور اس کے گردونواح میں زلزلے کے جھٹکے محسوس کیے گئے ،زلزلہ پیما مرکز کے مطابق زلزلے کی شدت 3.9 اور گہرائی 138 کلومیٹر زیر زمین ریکارڈ کی گئی جبکہ زلزلے کا مرکز کوہِ ہندوکش کا پہاڑی سلسلہ تھا۔زلزلے کے نتیجے میں کسی قسم کے نقصان کی اطلاع موصول نہیں ہوئی ہے۔
