راولپنڈی ٹیسٹ: پہلے روز کا میچ بارش کے باعث جلدی ختم

ویب ڈیسک -
555

راولپنڈی: پاکستان کی جنوبی افریقا کے خلاف دوسرے اور آخری ٹیسٹ کی پہلی اننگز میں قومی ٹیم نے تین وکٹوں کے نقصان پر  145 رنز  بنا لیے جبکہ پہلا روز کا میچ بارش کے باعث جلدی ختم کردیا گیا۔

تفصیلات کے مطابق راولپنڈی ٹیسٹ کے پہلے روز کھیل کے اختتام پر پاکستان نے تین وکٹوں کے نقصان پر 145 رنز بنالیے جبکہ بابر اعظم 77 اور فواد عالم 42 رنز کے ساتھ کریز پر موجود ہیں۔

 خیال رہے پاکستان نے راولپنڈی ٹیسٹ میں ٹاس جیت کر پہلے بیٹنگ کا فیصلہ کیا تھا جبکہ قومی ٹیم کے اوپنرز ایک بار پھر ناکام رہے، عمران بٹ 15 اور عابد علی 6 رنز بناکر چلتے بنے اور اظہر علی بغیر کوئی رنز بنائے آؤٹ ہوگئے۔

تئیس رنز پر تین وکٹیں گنوانے کے بعد ٹیسٹ کپتان بابراعظم اور فواد عالم نے محتاط انداز اپناتے ہوئے ٹیم کے رنز کو آہستہ آہستہ بڑھانا شروع کیا جبکہ دونوں کھلاڑیوں نے ذمے دارانہ اننگز کھیلتے ہوئے چوتھی وکٹ کی شراکت میں 100 رنز بنائے۔

بابر اعظم اور فواد عالم نے پروٹیز بولرز کے وار سہتے ہوئے ٹیم کے مجموعے کو قابل قدر بنانے کی کوشش جاری رکھی، اسی دوران بابر اعظم نے اپنی نصف سینچری مکمل کی۔

دوسری جانب چائے کے وقفے تک کپتان بابر اعظم 77 اور فواد عالم 42 رنز کے ساتھ کریز پر موجود ہیں جبکہ جنوبی افریقہ کی جانب سے کیشومہاراج نے دو کھلاڑیوں کو آؤٹ کیا اور آرنچ نٹورجی نے ایک وکٹ حاصل کی۔

ٹاس کے بعد ٹیسٹ ٹیم کے کپتان بابراعظم کا کہناتھا کہ دوسرے ٹیسٹ کیلیے ٹیم میں کوئی تبدیلی نہیں کی گئی ہے اور کوشش کریں گے کہ آغاز اچھا کریں جبکہ  راولپنٖڈی کی وکٹ کافی ڈرائی لگ رہی ہے اور  پروٹیز کے خلاف دو صفر سے سیریز جیتنا چاہتے ہیں۔

واضح رہے قومی ٹیسٹ ٹیم میں عابد علی، عمران بٹ، اظہرعلی، بابراعظم، فواد عالم، محمد رضوان، فہیم اشرف، یاسر شاہ، حسن علی، نعمان علی، شاہین شاہ آفریدی شامل ہیں۔

جنوبی افریقہ کے کپتان کوئنٹن ڈی کوک کا کہناتھا کہ وکٹ پر تھوڑی گھاس ہے جس سے محسوس ہوتا ہے کہ ابتدا میں باولرز کو مدد ملے گی، دوسرے ٹیسٹ کے لئے ٹیم میں ایک تبدیلی کی گئی ہے، فاسٹ بولر لونگی اینگیڈی کی جگہ ویان مولڈر کو ٹیم میں شامل کیا گیا ہے۔

مزید خبریں

شام میں شدید جھڑپیں، 130 سے زائد افراد ہلاک

مظاہرین نے پولیس پر براہ راست فائرنگ کی ،170 پولیس اہلکار زخمی ہوئے : آر پی او راولپنڈی

سعودی دارالحکومت ریاض میں موسم سرما کی پہلی بارش ، سردی کا آغاز

ملک میں سونے کی قیمت میں معمولی کمی

In the journey of change

بانیٔ پی ٹی آئی سیاسی قیدی نہیں،ان پر کرپشن کے سنگین مقدمات ہیں: احسن اقبال

ہماری غلطیوں سے بانی پی ٹی آئی کی سختیاں بڑھ رہی ہیں: شوکت یوسفزئی

بھارت: سابق وزیر اعلیٰ کی پریس کانفرنس کے دوران دھماکہ

کراچی یونیورسٹی کے 16 ہزار طلبہ 2.1 ارب روپے کے ڈیفالٹر

ٹرمپ کے ممکنہ ٹیرف : ایشیا کو کینیڈین تیل سستا ملنے کا امکان

عمران خان ، بشریٰ بی بی سمیت دیگر کے خلاف دہشت گردی کا مقدمہ درج

تیسرا ون ڈے: پاکستان کا زمبابوے کیخلاف ٹاس جیت کر بیٹنگ کا فیصلہ

جنرل عاصم منیر سرحدوں کے ساتھ معیشت کی حفاظت بھی کر رہے ہیں: کامران ٹیسوری

In the history of Pakistan Stock

پاکستان اسٹاک ایکسچینج میں تاریخ رقم، 1 لاکھ پوائنٹس کا سنگِ میل عبور

عمران خان کے سیاسی تابوت میں آخری کیل

سہیل عدنان اور ماہ نور تیسری جونیئر ویمنز اسکواش چیمپئن شپ کے فائنل میں