کوئٹہ (آن لائن) جمعیت علمائے اسلام کے مرکزی سیکرٹری جنرل و سینیٹرمولاناعبدالغفور حیدری نے کہاہے کہ مسئلہ کشمیر ایک جماعت کا مسئلہ نہیں بلکہ پوری قوم کامسئلہ ہے ،5منٹ کے لیے کھڑے ہوکر کشمیریوں کیساتھ اظہار یکجہتی سے مسئلہ حل نہیں ہوتا، اگر کشمیر واقعی شہہ رگ ہے تو پھر پوری قوم کو اس کی آزادی کے لیے عملی کرنے کی ضرورت ہے ہم اقتصادی طور پر اتنے کمزور ہوگئے ہیں کہ پوری دنیا بھارت کیساتھ بیٹھنے کے لیے تیار ہوگئی ہے۔انہوں نے کہاکہ مودی نے اپنے منشور میں یہ بات شامل کی حکومت میں آتے ہی کشمیر کو بھارت میں ضم کردینگے حکومت میں آنے کے بعد انہوں نے وہی کیا سوال یہ ہے کہ مودی نے انتخابی منشور میں یہ بات شامل کی تو ہم نے کیا کردار ادا کیا؟ ہمارا کردار بالکل صفر ہے عمران خان صاحب نے پیشگوئی کی کہ مودی آئے گا تو کشمیر کا مسئلہ حل ہوجائے گا، عمران خان نے کہا کشمیر کو تین حصوں میں تقسیم ہونا چاہیے اس بیان کی انہوں نے کبھی تردید نہیں کی، انہوں نے سوال کیاکہ کیا عمران اور مودی ایک اسٹیج پر تھے؟ ۔
