لاڑکانہ(نمائندہ جسارت) محکمہ صحت کی جانب سے تشکیل کردہ کورونا نمونہ ٹیم نے شہر کے مختلف علاقوں سے کورونا کے شک میں 231 افراد کے نمونے لے کر لیبارٹری بھجوادیے جن میں سے 9 افراد کے کورونا ٹیسٹ مثبت آگئے جس کے بعد متاثرین کی تعداد 52 ہوگئی ہے، ضلعی انظامیہ کی جانب سے جاری کردہ اعداد و شمار کے مطابق کورونا میں مبتلا تمام متاثرین اپنے گھروں میں آئسولیٹ ہیں۔ گزشتہ روز 21 افراد کورونا وائرس کو شکست دے کر صحت یاب ہوئے جس کے بعد صحت یاب مریضوں کی تعداد 2776 ہوگئی ہے۔
