تربت(آن لائن)تربت کے علاقے سنگانی سرمیںسیکورٹی فورسز کے ناکہ پر دستی بم حملے کے نتیجے میں 2 اہلکار زخمی ہوگئے ۔ سرکاری ذرائع کے مطابق تربت شہرکے پرانے سول اسپتال کے پیچھے روڈ پر قائم ایف سی ناکہ پر نامعلوم افراد نے دستی بم حملہ کیا حملے سے 2 ایف سی اہلکار زخمی ہوگئے جن کے نام قسمت اللہ اور شریف اللہ بتائے جاتے ہیں جنکی حالت خطرے سے باہربتائی جاتی ہے ۔ ایف سی اور پولیس اہلکار جائے وقوع پر پہنچ کرحملہ آوروں کی چھان بین شروع کردی جبکہ شہرکی سیکورٹی سخت کرکے مختلف ناکوں پر جامعہ تلاشی کی جارہی ہے مشکوک افراد پرکڑی نظر رکھے جارہی ہے۔
