پشاور(جسارت نیوز)پشاورٹائییگرز نے دلچسپ مقابلے کے بعدپشاورلائنز کوشکست دیکر پشاور ڈسٹرکٹ ہاکی لیگ جیت لی فائنل میچ کے موقع پرسابق انسپکٹرجنرل پولیس وچیئرمین کے پی ہاکی ایسوسی ایشن سعید خان مہمان خصوصی تھے ان کے ہمراہ صوبائی ہاکی ایسوسی ایشن کے صدر سیدظاہر شاہ ، سیکرٹری ہدایت اﷲ ، ڈسٹرکٹ اسپورٹس آفیسر تحسین اﷲ ،ڈسٹرکٹ سیکرٹری سید ضیاء الرحمان بنوری، کوچز یاسر اسلام سمیت دیگراہم شخصیات موجود تھیں ۔ ڈسٹرکٹ اسپورٹس آفس پشاور کے تعاون سے صوبائی ہاکی ایسوسی ایشن اور ڈسٹرکٹ ہاکی ایسوسی ایشن کے زیر اہتمام لالہ ایوب ہاکی اسٹیڈیم پشاورمیں کھیلے گئے فیصلہ کن معرکہ میںدونوں ٹیموں سے شاندارہاکی پیش کی اورمیچ جیتنے کے لیے ایٹری چوٹی کازورلگایاتاہم قسمت کی دیوی ٹائیگرز پرمہربان رہی اورفاتح ٹیم نے لائنز کوایک کے مقابلے میں2گول سے شکست دیکر ٹائٹل اپنے نام کیا۔بعدازاںسعید خان نے فاتح ٹیم کورنر اپ ٹیم کو5 جبکہ تیسری وچوتھی نمبرپرآنیو الی ٹیم کو4ہزارنقد اورٹرافیاں وکٹس دیں۔ ڈسٹرکٹ ہاکی لیگ میں گزشتہ روز تیسری پوزیشن کیلئے پشاور ڈولفن اور پشاور پینتھرز کے مابین میچ کھیلاگیا جس میں پشاور ڈولفن نے 2-1 سے کامیابی حاصل کی ۔ صو؎بائی صدرسید ظاہرشاہ نے کہاکہ صوبائی حکومت صوبے میں ہاکی کھیل کے فروغ کیلئے بھرپور اقدامات کررہی ہے اوروقت فوقتا ہاکی کے جونیئروسنیئرسطح پرمقابلوں کاانعقاد کیاجارہاہے پشاورمیںکھیلی گئی انڈر 16 ہاکی لیگ کو پذیررائی ملی ہے اورلوگ مدتوں اس کامیا ب ایونٹ کودیادرکھے گی۔ انہوں نے کہا کہ قومی کھیل ہاکی میں کھویا ہوا مقام دوبارہ حاصل کرنے کے لئے تاریخی اسلامیہ کالج یونیورسٹی پشاور اور عبدالولی خان اسپورٹس کمپلیکس چارسدہ میں ہاکی ٹرف بچھانے کا کام جلد مکمل ہو جائے گا، انہوںنے کل سے پشارمیں فائیواے سائیڈہاکی ایونٹ کے انعقادکابھی اعلان کیا۔
