کراچی(اسٹاف رپورٹر)پاکستان پیپلز پارٹی پارلیمنٹیرینز (پی پی پی پی) کے انتخابات میں آصف علی زرداری صدر جبکہ فرحت اللہ بابر سیکرٹری جنرل منتخب ہوگئے۔ رکن قومی اسمبلی شازیہ مری سیکرٹری اطلاعات اور ڈپٹی چیئرمین سینیٹ سلیم مانڈوی والا سیکرٹری مالیات منتخب ہوئے ہیں۔ پیپلزپارٹی کے جاری کردہ اعلامیہ کے مطابق پاکستان پیپلز پارٹی پارلیمنٹیرینز کے انتخابات میں تمام امیدوار بلامقابلہ منتخب ہوئے ہیں۔ واضح رہے کہ اس سے قبل پاکستان پیپلز پارٹی کے بھی انٹرا پارٹی انتخابات ہوئے تھے جس میں بلاول زرداری پارٹی چیئرمین منتخب ہوگئے تھے۔
