لاڑکانہ (نمائندہ جسارت) ایس ایس پی لاڑکانہ مسعود احمد بنگش کی ہدایات پر لاڑکانہ پولیس نے جرائم پیشہ افراد کیخلاف کارروائیاں کرتے ہوئے 8 ملزمان کو گرفتار کرلیا۔ رتوڈیرو پولیس نے سنگین نوعیت کے چار سے زائد مقدمات میں اشتہاری ملزم برکت لولائی کو، علی گوہر آباد پولیس نے اشتہاری ملزم عطا محمد عرف محمد بخش بڈانی جتوئی کو، رشید وگن پولیس نے چوری کے مقدمے میں اشتہاری ملزم شبیر زنگیجو کو، کنگا پولیس نے منشیات فروش انور مغیری کو ڈیڑھ پاؤ افیم سمیت، سول لائنز پولیس نے روپوش ملزم غلام حسین رند کو اور ڈوکری پولیس نے سنگین نوعیت کے مقدمے میں مطلوب تین ملزمان نادر، سرفراز خاصخیلی اور آصف ڈیتھو کو گرفتار کرلیا۔ پولیس کے مطابق گرفتار ملزمان کیخلاف مقدمات درج کرکے تفتیش شروع کردی گئی ہے۔ لاڑکانہ کے قریب گاؤں صاحب خان شر میں تھریشر مشین میں آکر 40 سالہ محمد الیاس شر شدید زخمی ہوا، جسے ورثا نے زخمی حالت میں چانڈکا اسپتال کے شعبہ حادثات منتقل کیا، جہاں انہیں طبی امداد دی گئی۔ ورثا کے مطابق محمد الیاس شر اپنی زمینوں پر تھریشر مشین میں آنے کے باعث زخمی ہوا۔
