ہنگو( آن لائن ) قبائلی ضلع اورکزئی میں سیکورٹی فورسز نے کامیاب کارروائی کرتے ہوئے بڑے پیمانے پر دہشت گردی کے منصوبے ناکام بنا دیا اور خفیہ ٹھکانوں پر چھپایا گیا بھاری اسلحہ برآمد کر لیا۔ تفصیلات کے مطابق سیکورٹی حکام کو خفیہ ذرائع سے اطلاع ملی کہ اورکزئیاڑخی کلے میں دہشت گردوں نے تخریب کاری کی غرض سے زیر زمین اسلحہ چھپا رکھا ہے ۔جس پر اورکزئی اسکاؤٹس نے علاقہ اڑخی کلے میں ایک پہاڑ کی کھدائی کی جہاں سے دہشت گردی کے لیے چھپایا اسلحہ برآمد کر لیا۔ سیکورٹی حکام کے مطابق قبضے میں لیے گئے اسلحے وبم میں 5 عدد بارودی سرنگیں، 9عدد دستی بم، 436 کارتوس،دھماکا خیز مواد، مشین گن، 344 ڈیٹونیٹر اور دیگر شامل ہے۔ سیکورٹی ذرائع کے مطابق کارروائی کے دوران کالعدم تنظیم داعش کے پمفلٹ اور وائرلیس سیٹ بھی برآمد کیے گئے ہیں۔
