اسلام آباد (صباح نیوز) پاکستان ڈیموکریٹک موومنٹ (پی ڈی ایم) بہاولپور میں ریلی نکالے گی، ریلی کی قیادت پی ڈی ایم کے سربراہ مولانافضل الرحمن کریں گے جبکہ ریلی میں ن لیگ کی نائب صدرمریم نوازبھی شرکت کریں گی۔شیڈول کے مطابق پی ڈی ایم کی قیادت 12 بجے بہاولپور ٹول پلازہ ستلج پل پر پہنچے گی ، ٹول پلازہ سے ریلی کے شرکا ایم پی اے ملک ظہیر کی رہائش گاہ پہنچیں گے جہاں پر مریم نواز کا مختصرخطاب متوقع ہے۔ ریلی مختلف مقامات سے ہوتے ہوئے اختتامی پوائنٹ چوک سرائیکی پہنچے گی جہاں مقررین خطاب کریں گے ۔
