سانگھڑ(نمائندہ جسارت)سندھ کے ضلع سانگھڑ کے علاقے کھپرو میں مارٹرگولہ دھماکے سے پھٹ گیا جس کے نتیجے میں 2 افراد جاں بحق اور 2 زخمی ہوگئے۔ایس ایس پی عثمان غنی کے مطاق تحصیل کھپرو کے علاقہ مورھڈی میں مقامی شہری مارٹر گولہ گھر لائے تھے کہ اس دوران مارٹر گولہ دھماکے سے پھٹ گیا۔انہوں نے بتایا کہ دھماکے میں 20 سال کا نوجوان جاں بحق جبکہ 2 خواتین اور ایک بچہ شدید زخمی ہوگئے جنہیں طبی امداد کیلیے تحصیل اسپتال کھپرو منتقل کیاگیا۔پولیس کے مطابق اسپتال میں دوران علاج ایک خاتون بھی دم توڑ گئیں۔پولیس کاکہناہے کہ بم ڈسپوزل اسکواڈ مارٹر گولے کا جائزہ لے رہے ہیں اور ممکن ہے کہ 65 کی جنگ میں مارٹر گولہ ریت میں دبا رہ گیا ہو۔
