نوابشاہ (سٹی رپورٹر) قائد عوام انجینئرنگ یونیورسٹی کے ڈائریکٹر فنانس محمد فضل شیخ کورونا کے سبب گزشتہ رات کراچی میں انتقال کرگئے، ڈائریکٹر فنانس محمد فضل شیخ کورونا کے مرض میں کراچی کے ایک نجی اسپتال میں زیر علاج تھے اور گزشتہ دس روز سے انتہائی نگہداشت کے یونٹ میں زیر علاج تھے، مہلک وبا میں انتقال کر جانے والے محمد فضل شیخ کی تدفین حیدر آباد کے آبائی علاقے میں کی گئی، قائد عوام انجینئرنگ یونیورسٹی کے ملازمین میں خوف وہراس پھیل رہا ہے۔
