انٹرنیشنل اسکواش ٹورنامنٹ کے سیمی فائنل آج ہوں گے

اسلام آباد(جسارت نیوز) پاکستان اسکواش فیڈریشن کے زیر اہتمام انٹرنیشنل اسکواش ٹورنامنٹ میں طیب اسلم، اسرار احمد، عماد فرید اور ناصر اقبال نے سیمی فائنل کیلیے کوالیفائی کر لیا۔ بدھ کو مصحف اسکواش کمپلیکس اسلام آباد میں مینز ایونٹ کوارٹرز فائنل مقابلوں میں طیب اسلم نے محمد فرحان ہاشمی کو7-11، 11-9،11-5 اور11-5 سے شکست دی۔ دوسرے میچ میں اسرار احمد نے وقاص محبوب کو11-3،11-3 اور 11-8 کو ہرا دیا تیسرے میچ میں عماد فرید نے فرحان زمان کو11-8، 11-7 اور 12-10 سے مات دی۔ چوتھے کوارٹر فائنل میں ناصر اقبال نے عاصم خان کو11-9 ،11-2 ،7-11 اور11-5 سے شکست دے کر سیمی فائنل کے لئے کوالیفائی کر لیا۔ خواتین ایونٹ کے کوارٹرز فائنل مقابلوں میں آمنہ فیاض نے انعم مصطفی عزیز کو11-4 ،11-5 اور11-7 سے ہرا دیا۔ مدینہ ظفر نے صائمہ شوکت کو11-8،13-11 اور11-4 سے مات دیدی۔ مقدس اشرف نے نورالہدیٰ کو 11-8 11-9 ،11-3 سے شکست دی۔ چوتھے میچ میں فائزہ ظفر روشنا محبوب کو11-5، 11-5 اور11-4 سے ہرا کر سیمی فائنل کے لئے کوالیفائی کر لیا۔ ایونٹ کے مرد اور خواتین کے سیمی فائنل مقابلے آج کھیلے جائیں گے۔