گلگت کی طرح آزاد کشمیرکا بھی الیکشن جیتیں گے،مراد سعید

اسلام آباد ( آن لائن)تحریک انصاف کے رہنما مراد سعید نے کہا ہے کہ گلگت بلتستان کی الیکشن مہم کے دوران یہ بات ثابت ہوگئی کہ فرزند زرداری مجھ سے بھاگتا ہے، بلاول اور اسکی ساری سیاست ایک مرتبہ پھر دو تین جلسوں کی مار ثابت ہوئی۔منگل کے روز اپنے ایک بیان
میں مراد سعید نے کہا کہ اپوزیشن اپنے جلسوں اور سیاست میں فوج کو گھسیٹتی ہے اور جب لوگ عوام میں ووٹ لینے جاتے ہیں تو فوج کی تعریف کرتے ہیں ، اپوزیشن کی منافقت کو عوام سمجھتی ہے اور ان کے بیانیے کو عوام ردکر چکی ہے، ان کا کہنا تھا کہ عمران خان نے بے مثال انداز میں کشمیر کا مقدمہ بین الاقوامی سطح پر لڑا،پہلی بار قوم کو ایسا لیڈر ملا ہے جو کرپشن کے الزامات سے مکمل صاف ہے، وزیر اعظم عمران خان سے گلگت بلتستان اور پورے پاکستان کے عوام کی محبت میں اضافہ ہوا ہے۔گلگت بلتستان کے نتائج دیکھنے کے بعد مجھے یہ لگتا ہے کہ اگلے سال کشمیر کے الیکشن بھی جیتیں گے۔