سکھر، پولیس کا آپریشن، فائرنگ کے تبادلے میں ڈاکو ہلاک

سکھر (آن لائن) سکھر ضلع کے علاقے باگڑجی کے کچے میں پولیس کی جانب سے آپریشن کیا گیا، اس دوران پولیس اور ڈاکوؤں میں مقابلہ ہوا جس میں ایک ڈاکو روشن عرف روشو ہلاک ہوگیا جبکہ دیگر ڈاکو فرار ہونے میں کامیاب ہوگئے۔ پولیس نے ہلاک ہونے والے ڈاکو کی نعش تحویل میں لے کر سول اسپتال سکھر پہنچادی ایس ایس پی سکھر عرفان سموں نے رابطے پر
بتایاکہ ہلاک ہونے والے ڈاکو کے قبضے سے اسلحہ برآمد کرلیا گیاہے مذکورہ ڈاکو پولیس کو چوری ،ڈکیتی ،پولیس مقابلوں ،اغوا برائے تاوان سمیت دیگر سنگین نوعیت کے کئی مقدمات میں مطلوب تھا ان کا کہنا تھا کہ کچے میں پولیس کا آپریشن جاری ہے اور اس میں مزید کامیابیاں ملنے کی امید ہے ہمارا آپریشن ڈاکوؤں کے قلع قمع تک جاری رہے گا۔