کوئٹہ ‘2گروپوں میں تصادم 2 افراد جاں بحق4زخمی

کو ئٹہ(نمائندہ جسارت)شہر میں 2 گروپوں کے درمیان تصادم میں2 افراد جاں بحق اور4 زخمی ہوگئے۔پولیس کے مطابق واقعہ سریاب روڈ کلی سردہ میں پیش آیا۔جہاں لڑائی
جھگڑے کے دوران فائرنگ سے 2 افراد جاں بحق جبکہ 4 زخمی ہوگئے۔ واقعے کے بعد مقتولین کی لاشوں اورزخمیوں کو طبی امداد کے لیے بولان میڈیکل کمپلیکس پہنچایا گیا۔ ہلاک شدگان کی شناخت محمد ابراہیم اورمحمد ہاشم کے نام سے ہوئی جبکہ زخمیوں میں علی احمد ولد محمد یعقوب،اسرار احمد ولد غلام قادر ،نجیب اللہ ولد غلام قادر ،عبدالمجید ولد حاجی عبدالنبی شامل ہیں ۔ پولیس نے واقعہ کا مقدمہ درج کرکے مزید کارروائی شروع کردی ہے۔