سرگودھا میں ٹریفک حادثہ، 4 جاں بحق، 8 زخمی

سرگودھا میں ٹریفک حادثے میں 4 افراد جاں بحق جب کہ 8 شدید زخمی ہوگئے۔

ریسکیو حکام کے مطابق فیصل آباد روڈ پر ٹرک اور وین میں تصادم ہوا جس کے نتیجے مین 4 افراد موقع پر ہی جاں بحق ہوگئے۔

حکام کا کہنا ہے کہ حادثے میں 8 افراد زخمی بھی ہوئے جنہیں فوراً اسپتال منتقل کردیا گیا۔

اسپتال حکام کا کہنا ہے کہ کُل 8 زخمی لائے گئے، ان میں سے چند کی حالت تشویش ناک ہے۔

پولیس کا کہنا ہے کہ حادثے کی اطلاع ملتے ہی جائے وقوعہ پر پہنچے۔ حادثہ کیسے پیش آیا تحقیقات کر رہے ہیں۔