سکھر(نمائندہ جسارت) سکھر پولیس کا شاہ بیلو کچے میں منظم ڈاکوؤں کے خلاف آپریشن جاری ہے، ایس ایس پی سکھر عرفان سموں کا کہنا ہے کہ آپریشن مغویوں کی باحفاظت بازیابی اور علاقے میں امن و امان کی فضا جو مستحکم رکھنے کیلیے کی جا رہی ہے ، دوران کارروائی 4 ملزمان زیرحراست، ڈاکوؤں کے متعدد کمین گاہیں نذر آتش کردی گئیں ہیں، ایس ایس پی کے مطابق ڈی ایس پی سائٹ ایریا عبدالستار پھل کی سربراہی میں سکھر پولیس کی جانب سے دریائے سندھ کے کنارے شاہ بیلو کچے میں منظم گروہ کے خلاف آپریشن جاری ہے، آپریشن کے دوران موقع سے 4 ملزمان کو گرفتار کرلیا گیا تفتیش جاری، اسلحہ برآمد کیا گیا ہے، آپریشن کے دوران ڈاکوؤں کی متعدد کمیں گاہیں، محفوظ پناہ گاہیں مسمار نذر آتش کر دی گئی ہیں، ڈاکوؤں کی گرفتاری کیلیے پولیس کا علاقے میں سرچ آپریشن جاری ہے۔
