تہران(صباح نیوز)ایرانی محکمہ خارجہ کے ترجمان نے گوادر اور کوئٹہ میں سیکورٹی فورسز پر دہشت گرد حملوں کی مذمت کرتے ہوئے پاکستانی حکومت اور عوام بالخصوص حادثے کے لواحقین سے گہرے ہمدردی کا اظہار کیا۔ایرانی وزارت خارجہ کے ترجمان سعید خطیب زادہ نے ہر طرح کی دہشت گردی کو مسترد کرتے ہوئے دہشت گردانہ کارروائیوں کے معاونین اور سرپرستوں کے خلاف جاری لڑائی میں خطے کے تمام ممالک کی شراکت کی ضرورت پر زور دیا۔
