لاڑکانہ (نمائندہ جسارت) لاڑکانہ شہر اور گردونواح میں آوارہ کتوں کا راج، ایک ہی روز خاتون اور پانچ بچوں سمیت 13 افراد کو کاٹ کر لہولہان کردیا، زخمیوں میں ماریہ، زہرہ مغیری، علینہ، زاہدہ زوجہ رب رکھیو، انعام علی، اختیار کھوسو، غلام اسد سانگی، دلاور، جنید، اختیار علی، محمد مرضی، علی حیدر اور ہمت بلوچ و دیگر شامل ہیں جنہیں ورثاء نے زخمی حالت میں چانڈکا اسپتال کے شعبہ حادثات میں قائم اینٹی ربیز سینٹر منتقل کیا جہاں انہیں ویکسین اور ضروری علاج دے کر گھر بھیج دیا گیا۔ سینٹر انتظامیہ کے مطابق آوارہ کتوں کے کاٹنے کے باعث متاثر ہونے والوں میں ایک خاتون، پانچ بچے اور دیگر مرد شامل ہیں جنہیں ویکسین اور ضروری علاج دے کر ڈسچارج کیا گیا ہے۔
