سکھر (نمائندہ جسارت) محکمہ کسٹم کا گڈز ٹرانسپورٹ کمپنی کے گودام پر چھاپا، بیرون ملک سے اسمگل کیے جانے والا دو کروڑ روپے مالیت کا ڈرائی فروٹ اور اجینو موتو نمک برآمد، تحقیقات شروع کردی گئی، محکمہ کسٹم سکھر کے عملے معروف گڈز ٹرانسپورٹ کے گودام میں کارروائی کرتے ہوئے بیرون ملک اسمگل کیے جانے والا دو کروڑ روپے سے زائد مالیت کا غیر قانونی ڈرائی فروٹ اور اجینو موتو نمک برآمد کرکے اسمگلنگ کی کوشش ناکام بنا دی۔ کسٹم عملے نے ڈرائی فروٹ اور اجینو موتو کی بڑی مقدار تحویل میں لے کر تحقیقات شروع کردی ہے۔
