تفتان(آن لائن)پاک ایران بارڈر تفتان سے متصل راہداری گیٹ پر ایرانی سیکورٹی فورسز نے 248 پاکستانی لیویز انتظامیہ کے حوالے کر دیے۔ تفصیلات کے مطابق غیر قانونی طریقے سے ایران کے مختلف شہروں میں بغیر سفری دستاویزات کے سفر کے دوران ایرانی سیکورٹیفورسز نے 248 پاکستانی گرفتار کر لیے جو بہتر روزگار کی تلاش میں ایران سے یورپ جانا چاہتے تھے۔ ایرانی سیکورٹی فورسز نے گرفتار پاکستانیوں کو راہداری گیٹ کے مقام پر راہداری گیٹ تفتان کے انچارج میر الہی بخش نوتیزئی کے حوالے کردیا ۔ محکمہ صحت کے عملہ نے راہداری گیٹ پر گرفتار پاکستانیوں کی اسکریننگ کی لیویز انتظامیہ کی ابتدائی تفتیش کے بعد تمام گرفتار پاکستانیوں کو ایف آئی اے حکام کے حوالے کر دیا گیا ۔
