راولپنڈی (جسارت نیوز) میریتھن ریس 11 اکتوبر کو راولپنڈی میں ہوگی۔ گزشتہ روز ڈسٹرکٹ اسپورٹس آفیسر شمس توحید عباسی نے سرکاری خبر رساں ادارے کو بتایا کہ ریس کی تیاریاں زور و شور پر ہیں اور یہ ریس ڈپٹی کمشنر راولپنڈی کیپٹن(ر) انوارالحق نے کورونا وبائی صورتحال میں واضح کمی کے بعد شہرمیں کھیلوں کی سرگرمیوں کی مکمل بحالی اور مثبت سرگرمیوں کے فروغ کیلئے منعقد کروانے کی ہدایت کی، جس کے بعد ڈسٹرکٹ اسپورٹس ڈیپارٹمنٹ راولپنڈی نے میرئتھن کے بھرپور انعقاد کیلیے باقاعدہ تیاریاں شروع کردیں۔ ڈی ایس او شمس توحید عباسی نے بتایا کہ ”دوڑ راولپنڈی” میرئتھن ریس 11اکتوبر 2020ء کو ہوگی اس ریس کو مایہ ناز قومی ہیرو اوربرڈ آف ایشیاء عبدالخالق کے نام سے منسوب کیا جائے گا ، دوڑ ڈبل روڈا سپورٹس جمنازیم سے شروع ہوکر براستہ مری روڈ لیاقت باغ اسپورٹس کمپلیکس میں ختم ہوگی۔
