کراچی (اسٹاف رپورٹر)پہلی سندھ رینکنگ ٹینس چیمپئن شپکے چھٹے روز نبراس ملک ( آرمی پبلک اسکول ملیر )نے عبدالحسیب کو ایک دلچسپ مقابلے میں ہرا کر انڈر 11 سنگلز کا ٹائٹل اپنے نام کر لیا ۔ مینز سنگلز کے دوسرے سیمی فائنل میں اظہر کچھی نے محمد علی کو ہرا کر ٹورنامنٹ کا دوسرا بڑا اپ سیٹ کر دیا، انڈر 15سنگلز کے سیمی فائنل میں ایان یوسف نے محمد ابراہیم قریشی انڈر13 سنگلز کے سیمی فائنل میں درف داس نے باسم علی کو اور احسن احمد نے محمد ابراہیم قریشی کو ہرا کر فائنل میں جگہ بنا لی ۔ انڈر 9سنگلز رائونڈ رابن مقابلوں میں ابراہیم سعد اور انمان شیخ نے اپنے میچ جیت لئے۔ مینز ڈبلز میں عباد سرور اور عون الدین کی جوڑی نے ابراہیم التیفات اور محمد التیفات کو 8-7 سے اور زبیر راجا اور سعد سلیم کی جوڑی نے مصطفے برنی اور عامر قمر کو 8-3سے ہرا کے فائنل میں جگہ بنا لی۔سافٹ ٹینس مکس ڈبلز میں محمد علی اور ارج نے پہلی پوزیشن حاصل کی۔
