خراب موسم کے باعث گلگت کی 2 پروازیں لینڈ نہ کرسکیں

اسلام آباد( آن لائن )پی آئی اے کی اسلام آباد سے گلگت جانے والی 2 پروازیں خراب موسم کے باعث گلگت لینڈ نہ کرسکی،گلگت جانے والے تیسری پرواز بھی منسوخ کردی گئی ۔ ترجمان پی آئی اے کے مطابق گلگت جانیوالی پہلے 2 پروازیں شیڈول کے مطابق گلگت
پہنچی تھیں، تاہم پروازیں گلگت ائر کنٹرول ٹاور سے کلیئرنس نہ ملنے پر اسلام آباد واپس آگئیں۔ ترجمان پی آئی اے کے مطابق لینڈنگ اپروچ کے وقت طوفانی ہواں کے باعث پائلٹس کا لینڈنگ نہ کرنے کا فیصلہ کیا ، ترجمان کے مطابق پروازیں پی کے 603 اور 605 گلگت ائر پورٹ پر پہنچیں تو 15 ناٹیکل میل کی کراس ونڈ چل رہی تھی۔ ترجمان پی آئی اے کے مطابق اس کراس ونڈ میں لینڈنگ بہت مشکل ثابت ہوسکتی تھی، اسلام آباد کی آج کی تیسری پرواز بھی منسوخ کی جارہی ہے۔ ترجمان کے مطابق بونجی کے مقام پر موسم بھی خراب ہے ،تینوں پروازیں آج (اتوار) کو دوبارہ شیڈول کی جائیں گی۔