سکھر (نمائندہ جسارت) سکھر شہر کے تھانہ راؤ شفیع اللہ کی حدود میں ٹی این ٹی موڑ کے قریب پولیس اور ڈاکوؤں کے درمیان مقابلہ، ایک ڈاکو زخمی حالت میں گرفتار، اسلحہ برآمد، ساتھی فرار۔ ایس ایس پی سکھر عرفان علی سموں کے مطابق گرفتار ڈاکو چوری ڈکیتی، پولیس مقابلوں سمیت متعدد سنگین وارداتوں میں مطلوب تھا، ڈاکو واردات کے ارادے سے علاقے میں موجود تھے کہ پولیس کو دیکھتے ہی فائرنگ شروع کردی، پولیس تعاقب کے دوران ایک ڈاکو زخمی حالت میں گرفتار کرلیا گیا جبکہ ایک ساتھی فرار ہوگیا، گرفتار زخمی ڈاکو کی شناخت وحید ناپر کے نام سے ہوئی، قبضے سے ٹی ٹی پستول، میگزین اور گولیاں برآمد کرلی گئیں، گرفتار زخمی ڈاکو کو سول اسپتال منتقل کردیا گیا ہے۔
