ٹھٹھہ (نمائندہ جسارت) ایس ایس پی ٹھٹھہ ڈاکٹر محمد عمران خان کی خصوصی ہدایت پر ٹھٹھہ ضلع بھر میں منشیات فروشوں کیخلاف پولیس کی کامیاب کارروائیاں، 7 گٹکا فروش گرفتار، 1330 پیکٹ گٹکا ماوا، 200 ساشے انڈین سفینا، 20 بیگ دیسی شراب اور ایک رکشہ برآمد۔ ایس ایس پی ٹھٹھہ ڈاکٹر محمد عمران خان کی خصوصی ہدایت پر ٹھٹھہ ضلع کی پولیس نے منشیات فروشوں جرائم پیشہ افراد اشتہاری اور رپوش ملزمان کیخلاف کارروائیوں میں مزید تیزی کردی ہے، ٹھٹھہ پولیس نے ملزم بھٹو جاکھرو کو گرفتار کرکے 20 بیگز دیسی شراب، ملزم دوست علی جاکھرو کو گرفتار کرکے 500 پیکٹ گٹکا ماوا اور ایک رکشہ برآمد کرلیا، جھرک پولیس نے دو ملزمان شفیع محمد شورو اور رقیب شورو کو گرفتار کرکے 400 پیکٹ گٹکا ماوا، کینجھر پولیس نے ملزم اللہ دین شورو کو گرفتار کرکے 250 پیکٹ گٹکا ماوا، جھمپیر پولیس نے ملزم ماہی خان شورو کو گرفتار کرکے 90 پیکٹ گٹکا ماوا اور 100 ساشے انڈین سفینا، ملزم سلمان شورو کو گرفتار کرکے 95 پیکٹ گٹکا ماوا اور 100 ساشے انڈین سفینا برآمد کرلیے۔ تمام گرفتار ملزمان کیخلاف مختلف تھانوں میں منشیات ایکٹ کے تحت مقدمات درج کرلیے گئے۔ ٹھٹھہ ضلع کے عوام نے پولیس کی کارکردگی کو سراہتے ہوئے ایس پی ٹھٹھہ ڈاکٹر محمد عمران خان اور انکی پوری ٹیم کو خراج تحسین پیش کیا ہے۔
