حیدر آباد(اسٹاف رپورٹر)حیدرآباد،نواب شاہ، میرپور خاص سمیت قریب و جوار کے علاقوںمیں طوفانی بارش‘جس کے باعث حیسکو کے16 گرڈاسٹیشنز کے 96فیڈرز سے بجلی کی فراہمی معطل ہوگئی۔ حیسکو ترجمان کے مطابق فیڈرز کی بجلی بحالی کا کام جلد شروع کردیا جائیگافیلڈ عملے کی جانب سے پیٹرولنگ مکمل کرکے کلیئرنس ملنے پر فوری طور پر فیڈرز بحال کردیے جائینگے۔ حیسکو چیف چودھری عبدالرزاق کی ہدایت پر آپریشن اورشکایتی سیل کا عملہ الرٹ ہے اور فیلڈ میں موجود ہے بارش رکتے ہی بحالی کا کام شروع کردیاجائے گا۔
