سکھر (نمائندہ جسارت) آئی بی اے یونیورسٹی سکھر کے وائس چانسلر کی تعیناتی کا معاملہ، یونیورسٹیز اینڈ بورڈز کی جانب سے تجویز کردہ ناموں کو نظر انداز کردیا گیا، گریڈ اکیس کے ڈائریکٹر ہاسٹلز پیر محمد شاہ کو وائس چانسلر بنائے جانے کے امکانات۔ وزیر اعلیٰ سندھ نے پیر محمد شاہ کی ملاقات بعد وائس چانسلر کی تعیناتی کا اشارہ دیا تھا، ذرائع کا کہنا ہے کہ، سیکرٹری بورڈز اینڈ یونیورسٹیز کی جانب سے ڈاکٹر رضا بھٹی، ڈاکٹر سمرین اور مدد علی شاہ کے نام تجویز کیے گئے تھے، تجویز کردہ تینوں ناموں کو ہٹا کر پیر محمد شاہ کو خصوصی طور پر طلب کرکے انٹر ویو کیا گیا، بتایا جاتا ہے کہ پیپلز پارٹی کے اسیر رہنما سید خورشید احمد شاہ کی تجویز پر پیر محمد شاہ کے نام کو حتمی شکل دی گئی ہے۔ پیر محمد شاہ کی بطور قائم مقام وائس چانسلر تعیناتی کا نوٹیفکیشن جاری ہونے کا امکان ہے۔
